चारसय रोपनी क्षेत्रफलमा निर्माण हुने उक्त सिमेन्ट उद्योग निर्माणसँगै विभिन्न अबरोध र विरोधका स्वरहरु सुनिन थालेका छन् । उक्त उद्योगको निर्माण पछि स्थानीय रुपमा रोजगारीको सिर्जना त होला तर सामाजिक तथा वातावरणीय रुपमा त्यसले कुन किसिमको प्रभाव पार्छ त्यसलाई पनि सरकार तथा निर्माण पक्षले गहिरोसँग अध्ययन गर्न जरुरी छ । मलेखु खोला पुरै कब्जा गरेर निर्माण गरिन लागेको उद्योगले एकातिर खोला नै थुनिने चिन्ता त छदै छ त्यही माथि उद्योगबाट निस्कने फोहोर पानीले फेरी खोलामा नै मिसिदा उद्योग भन्दा तलतिरको बस्तीहरुमा कस्तो असर गर्ला ? उद्योगबाट हुने वायु प्रदुषण तथा ध्वनी प्रदुषणले नजिकका बस्ती तथा विद्यालयहरुमा कस्तो असर पार्ने हो र त्यसलाई कसरी न्युनीकरण तथा निर्मूल पार्न सकिन्छ त्यसलाई व्यवस्थापन पक्षले गम्भीरतापुर्वक लिन जरुरी छ ।
देशको विकास र समृद्धिको लागि उद्योग तथा कलकारखानको विकास हुनु अपरिहार्य आवश्यकता हो । उद्योगधन्दाको स्थापना विना देशले आर्थिक बृद्धि हासिल गर्छ भन्ने कुरा कल्पना पनि गर्न सकिन्न तर ती उद्योगधन्दाबाट निस्कने धुँवा धुलो तथा फोहोरको उचित व्यवस्थापन हुन नसक्ने हो भने जनजीवनमा प्रतिकुल असर पर्न गई मानव तथा अन्य जीवजनावरका जीवन संकटमा पर्न गई पर्यावरणीय सन्तुलन विग्रन पुग्छ ।
जिल्लामा देशकै ठुलो उद्योग स्थापना हुनु सुखद पक्ष हुदाहुदै पनि जिल्लाकै जनताहरुले रोजगारी पाउनका साथै पर्यावरण सन्तुलनमा कुनै खलल नपुग्ने कुरामा नेपाल सरकारको सम्बन्धित निकाय र उद्योगको व्यवस्थापन पक्षबाट ग्यारेन्टी गरिनु पर्छ ।
